La Rampe TIO - Teatre Interegional Occitan

FESTINS DE PÈIRAS

Festin de Pèiras lança un projècte cultural novèl per la ciutat de St Joan de Vedàs, qu'es pensat e elaborat en ligason amb La Rampe TIO e l'Agencia Sirventés. Aquela manifesta-
cion noirís l'ambicion d’espantar e de sedusir los spectators, de lor faire tornar descobrir una Comuna, a atissar lor imaginari, a mobilizar de saupre-far artistics. Lo festenal inaugura una programacion a l'annada, ritmada per de Temporadas, de recampaments artistics e una consulta de la populacion.

Temps III, Lo Sòmi dels Gigants. 24 e 25 de Septembre de 2010

Aprèp aver percórrer lo Vedàs en quista d'un sit ont plantar rasigas, Lo grand viatjaire, quilhat sus sa bernarda immensa, tòca a las pòrtas del Castèl. La Draca de la Mosson lor barra lo passatge... La Dòna del Terral a convocat los estats generals del terradorenc perque Joan, lo gigant dau Vedàs, es tocat d'un mal estranh, la marana. Passant enlà la colèra de La Draca, La Dòna del Terral recep lo grand viatjaire. Demanda a las trèvas famosas del Castèl, Rabelais, Rondelet e Pellicier, de venir aconselhar los estats que son dins l'embarràs fàcia a-n'aqueste mal e a l'inesperat viatjaire... Tres espectacles de la Renaissança dins l’Euròpa del sud e una tavèrna cantadissa, dançarèla e golardissa Las
infos
aquí!

Temps II, La Parada dels Gigants. 27 de Març de 2010

Joan, lo gigant de Vedàs, personatge eissit del temps primièr de Festins de Pèiras, tòrna prene plaça dins la Vila a l'escasença de las fèstas de Carnaval. Parada sus las plaças e carrièras de la ciutat per celebrar la fin de l'ivèrn. Convida lo mond, joves e ancians, a se quitar las pelhas d'un mond ancian que s'acaba e a fecondar la venguda de temps novèls. Per aquò far, convòca la fòrça dels personatges emblematics de Carnaval e del Lengadòc, e los gigants de qualquas tèrras mai alunhadas, un còp èra cosinas, per una parada qu'aurà rason de Carmantran. Charivaris, passa-carrièra, jutjament del Carmantran, trans-danças

Temps I, Lo Gigant de Vedàs. 25 de Setembre de 2009

Espectacle deambulatòri inedit escrich e mes en scèna per Claudi Alranc e La Rampe TIO, amb la complicitat de las companhiás Malabar, GoulamasK, Sabòi, Ateliers Gulliver, Pebr'in, Manja Pelós, Terre de sorcières e nombroses benevòls. En seguida d'un misteriós "festin de pèiras", un país a desaparegut jol quitran e las botissas d’un volcan carabinat. Arrivan los enfantonautes en cerca d’un sit per plantar l’arbre dels enfants de deman. Aquel sit poiriá èsser aquel Vedàs volcanizat mas cossí tornar trapar los 3 gènis tutelaris : la Dòna del Terral, la Draca de la Mosson e Joan lo gigant de las doas caras ? Espròvas, fèstas, fadariás

Per ne saber mai sul Festenal : http://www.saintjeandevedas.fr/
Fòto : Comuna de Sant Joan de Vedàs