De pichòtas pèças posadas dins lo repertòri comic del teatre occitan.
Un encadenament de situacions borlescas, un univèrs de cançons !

- Sus de tèxtes de Frédéric Cayrou "Lo congelator", Jean Bousquet "L'adobaire", Charles Galtier "En tresièma de Dieupentala a Montalban" e "Plèga Sardas au permis de conduire"

- Sus de musicas de Laurent Cavalié

- E amb Myriam Petiot, Véronique Valéry, Bruno Cécillon.

L'ARMASSIÈR, Millenium's Mystery
(2000)

La nèit, una balma d'argela e un talhièr de santonièr abandonat per son creator. Vint ans qu'es partit, qu'a barrat la pòrta. Dins aquel obrador desertat, tres anmas en pena s'arrestan. Van desrevelhar las memòrias dormilhosas, reviscolar las tensions doblidadas, provocar los asards...

L'Armassièr : en lenga d'oc, aquel que met en relacion l'anma dels mòrts, l'anma de los que vivan e l'anma de los que naisson.

Amb Jean-Louis Blénet, Michel Capron, Bruno Cécillon, Marie Coumes, Myriam Petiot, Alain Vidal, Véronique Valéry, Igor Bernardic, Jean-Paul Rahard.

VAUDEVILLE D'OC
(1996)

Dins la pichòta vila de Sant Chinian, en Lengadoc...

S. Pinquier, un ric pelegantièr, es vengut per la fièra de Sant Chinian. A daissat sa femna Adélaïde e sa filha Jacqueta als banhs de Carcanièras. Aquò li balha mai d'aise per sas affars e s'acoquinar amb Roseta, la serventa de l'ostalariá. Arriba lo jove Riquet, pintre, boèmi e maliciós que s'es enamorat de Jacqueta. Lo vaquí a l'ostalariá per decidir lo paire Pinquier de li donar sa filha...
Amb la complicitat de Roseta, obten de S. Pinquier que li daissa la mitat de son lèit. Mas arriban Dona Pinquier e sa filha, qu'an quitat Carcanièras per fugir la preséncia de Riquet...

Amb Michèle Gary, Myriam Petiot, Véronique Valéry, Georges Bezombes, Bruno Cécillon, Jean-Louis Blénet.

LA NÈIT D'ESTIU
(1998)

D'en primièr, es una comèdia a tal punt umana que ne deven inumana e dramatica. Es aprèp una tragedia qu'a la poténcia tota del tragic grec. Aquel espectacle es una adaptacion del tèxt de CLARDELUNA. Poèta, romancièra, dramaturg, animatritz d'una tropa de teatre e de dança, e en mai d'aquò femna, maliciosament femna dins un Felibritge majoritariament masclum. Amb Nathalie Robert, Véronique Valéry, Jean-Louis Blénet, Bruno Cécillon, Yves Durand.