Trobades

Presentacion

400TROBADA5Creacion 2015

Una co-produccion Euro-regionala : La Rampe TIO (Lengadòc)/ Cia MariAntòniaOliver (isclas Balearas)

TROBADES : un espectacle pluridisciplinari

Los artistas de TROBADES son totes acostumats a la creacion pels pichons. Amb la dança contemporanèa, l’acrobacia, lo teatre d’ombra, lo jòc de palhassa, los 5 actors-dançaires-equilibristes, fargats d’una teatralitat corporala poderosa, estrambòrdan los joves espectators a la confluéncia de las identitas culturalas e linguisticas de l’Euro Region, tot aquò sus de ritmes joioses e de melodias originalas.

Crear e partatjar los ambients de fantasia pròpria a cada personalitat, ajustar las diferéncias e dubrir los espacis comuns, jogar entre libertat individuala, curiositat e descobèrta de l’autre, aital foguèt l’amira de la còla de Trobades per un viatge de rescontres en tròbas, ont l’imaginacion es lo sol muscle necessari!

Una « istòria » coregrafica

Un luòc misteriós de blanc e de negre, poblat per lusetas coquinas. Una còla d’amics ligats coma los 5 dets del pè, redola. Son totes d’aquel atge benesit ont las diferéncias se cranhisson pas. Lors afinitats naisson alentorn del jòc e lo jòc mena la dança dins los biaisses e las variacions que permeton de se descobrir.

« fai-me paur ! », « aganta-me !»,  « tira-te d’aquí ! », « Cèba! »

Dins un charivari tendre e inocent, se cercan, se trapan, s’agafan, s’epatan, se cacanhan, s’escacalassan…
Mas, a qual es aquela man giganta que sembla decidar per eles coma l’adult decida per l’enfant ?
Un monstre marrit, un parent benvolent, un amic trufarèl ?

Espectacle per totes a partir de 4 ans

Durada : 55 minutas

Distribucion

  • Mariantònia Oliver, coregrafia, e Aina Pascual Silva, dança – Cia Mariantònia Oliver, Isclas Balearas
  • Gràcia Moragues Cantallops et Mateu Canyelles Sureda, artistes circassiens – Cia Mariantònia Oliver, Isclas Balearas
  • Véronique Valéry e Gérard Sanchez, comedians – La Rampe T.I.O, Lengadòc
  • Sûan Czepczynski : vestits – La Rampe T.I.O, Lengadòc
  • Jérôme Dru : musica e lums – La Rampe T.I.O, Lengadòc
  • Rafel Mir (Balearas) e Véronique Valéry (Lengadòc) : ajutòris de produccion

Contacts

França : La Rampe – TIO Stella Fontana 

Espagne : Cia Mariantònia Oliver

Dorsier de Premsa