Patapim Patapam

Presentacion

PATAPIM PATAPAMPatapim Patapam

L’occitan aima aquela mena d’expressions, redobladas e dichas amb de gestes per los refortir. Patapim Patapam, es una formula per dire qu’arriva subran un eveniment espectaclós. Joan-Loís Blenet s’inspira del conte Joan-sens-paur e acampa los personatges de la paur dins la cultura populara occitana, per nos balha las claus e lo coratge de rire de la petega…

L’istòria

L’istòria comença per un jòc amb las Paurs que se passejan d’en pertot e que venon tre qu’òm lor demanda d’espaurugar un dròlle. La Romeca es convocada amb una cançon e sulpic va anar dins lo public veire se i a pas d’enfants aissables d’agantar…

La Romeca bandida, es la Negra Paur que nos ven veire (en òc la granda paur es negra que negreja la vida). Aquel conte pren la fòrma d’una moralitat : la Negra Paur pòt cambiar lo ben en mal. Aital un òme qu’a l’astre de trobar un tresaur es pres per la paur de se lo far raubar… Aquela paur lo va rendre cabord.

Enfin, son las aventuras de Sens Paur que nos son contadas, una filha qu’aviá pas jamai paur, pas mai de la Romeca que de las trevas ni mai de las serps. Venguda granda, s’en va a la recerca la paur e arribar cap a son castèl. Aquí los diables de la Paur capitan pas de l’espaurugar. Fin finala serà en dintrant a l’ostal que traparà la paur d’un biais totalament subte.

Jogar amb la paur

La paur es un subjècte delicat per un espectacle pels dròlles. Patapim Patapam fa la causida d’un jòc trufarel amb las paurs per desamorçar la panica que la fòrça suggestiva del teatre podriá crear. Nòstre teatre ensaja aital d’embelinar l’imaginari dels enfants..

Distribucion

  • Escritura, mesa en scena : Jean-Louis Blénet
  • Comedians : Jean-Louis Blénet, Anna Wasniowska
  • Costums : Audrey Azaïs
  • Lums : Bruno Matalon
  • Decòrs : “Franck & Co”

Ficha tecnica