Lo Boçut

Presentacion

LOBOCUTUn viatge iniciatic, una òda a la libertat…

L’istòria

Un còp èra… un dròlle, gibós, que voliá far lo torn de França per descobrir lo país, d’autre mond. Sens paur e sens crenta, se trufa de la lei. Long dels rescontres, sa quista ven mai precisa : se vòl far sonar “camarada” e pas mai “boçut”… Nos emmena dins son viatge cargat de tresaurs fabuloses que los contes n’an lo secret…

Dralha de mesa en scèna

Gilles Buonomo e Yves Durand meton en scèna lo conte d’Yves Rouquette e endralhan lor trabalh cap a un estil pròche del teatre de trastets. Los comedians jògan mantun personatge codificats per la masqueta, la musica e l’accessòri.

Dralha estetic

Lo decòr es volontariament espurgat. Es una rotlòta, simbòl del viatge, qu’a l’encòp crearà l’espaci de jòc e servirà d’arca de las malícias. Aquela causida permet de se referir a una de las mai ancianas tradicions del teatre d’Oc : la caminada dels contaires, sauta en bancas, actors, joglars.

Distribucion

  • Concepcion de l’espectacle : Gilles Buonomo et Yves Durand, d’après Le Bossu d’Yves Rouquette
  • Costums e masquetas : Rosario Alarcon
  • Assistentas costums : Lise Marin et Mareike Engelhardt
  • Accessòris : Jérémie Wagner
  • Fotograf : Marc Ginot

PremsaDorsier pedagogicFicha tecnica