JAN DE TRÒP

Presentacion

JANDETROPL’istòria

Un còp i aviá un òme e una femna qu’avián un tropèl d’enfants… E veniá enquèra de tombar un autre aucelon dins aquel niu dejà tròp claufit ! Era de tròp, lo sonèron Jan de Tròp. Lo paire partiguèt pels camins per trobar quauqun de juste per pairinar o mairinar son dròlle : “Mai juste que ieu, trobaràs pas ! Soi la Mòrt…” Es aital que Jan de Tròp recebèt per mairina la Mòrt, que faguèt d’el… un mètge famós !

Lo téma

Un conte es totjorn pel plaser, per s’estrementir, s’emocionar, rire ensemb, rire del comic dels personatges e de las situacions. Es tanben per pantaissar, per aprene. Jan de Tròp es eissit del conte repertoriat coma Lo Filhòl de la Mòrt o La Mòrt Mairina dins la classificacion internacionala. La companhiá a causit de tractar aquel tèma perque la mòrt pòrta los fantasmas e las paurs dels òmes. Dins los contes, permeton a cadun de se fargar d’esplèches d’édificacion interiora. Coma per d’autres personatges fantastics dels contes, parlar de la Mòrt, la metre en imatge, en cançon, es l’adomergir, jogar amb çò que pòbla nòstres sòmis e nòstra vida.

La creacion

Aqueles qu’an ausit Teresa Canet dins sos espectacles an poscut pesar las qualitats literàrias d’aquela femna, contaira, autor, poëtessa… A capitat de menar lo conte e la tradicion orala cap a una forma artistica originala. Lo trabalh complit sus aquel espectacle espròva los axes essencials portats pel conte e pel teatre :

  • lo jòc masquetat que presidís a la ronda dels còs
  • las pòrtas de la vida, simbòls del passatge d’un mond a l’autre
  • la lantèrna magica, luòc de las ombras, de la correguda del temps e del règne de las sasons
  • lo lièch, luòc de las intimitats
  • la musica e las cançons… tot aquò permet de navegar dins l’espectacle entre real e invesible, truculéncia e poësia. Es la fonccion essenciala del conte, d’armar per las espròvas de la vida. Es particularament verai amb Jan de Tròp.

Distribucion

  • Ecritura : Thérèse Canet
  • Direccion d’actors : Luca Franceschi
  • Comedians : Véronique Valéry, Nathalie Robert, Jérôme Dru
  • Musica, imatges : Jérôme Dru
  • Decòrs : Franck Gibert
  • Vestits : Sûan Czepczynski
  • Masquetas : Jérémie Wagner, atelier “Théâtre de Carton”
  • Lum : Bruno Matalon
  • Fòtos : Marc Ginot
  • Ilustracion : Vincent Roussillat
  • Amb l’aimabla participacion de: Dominique Ratonnat (journaliste “Fréquence Tesson”) François-Xavier Debray (cuivres andalous) Jean Valéry et Denis Clavier (ingénieurs thermo-éjecteurs) Philippe Doublemart (ingénieur matériel roulant). Pour Frédérique

PremseFicha tecnica