Folies Vigneronnes

Presentacion

Civilisacions de la vinha e del vin

Lo vin, lo vin, que n’i a per tot lo monde
Lo blanc sus lo rotge, plus rien ne bouge,
Lo vin, lo vin, que n’i a per tot lo monde
Lo rotge sus lo blanc, et là, tout fout le camp !

La Mediterranèa a iniciat una civilisacion de la vinha e del vin. Li balhèt un dieu, Dionysos, nascut de la tèrra e del cèl. Dionysos, mai dieu de passion que de rason. Aicí en país nòstre, la vinha e lo vin an fach nàisser un lengatge, un biais de viure entre los òmes.

Las crisis

A l’agrat d’una economia considerant las solas leis del profièch, lo vinhal occitan a produsit segon la demanda de piqueta o de bon vin, e aquò dempuèi 2000 ans.

Modernitat, progrès : Tant coma per l’industria, lo vinhièr capitèt d’endralhar lo camin de las tecnologias nòvas, desvolopament dels transpòrts, espandiment de los escambis, adaptacion al mercat. Tot viatja, los òmes, las idèas, las malautiás e los parasitas…

Fortunas, misèrias : Los malastres pels uns fan lo bonaür dels autres. Amb la crisi de la filoxéra, d’unes despartaments pèrdon tot lor vinhal, pendent que d’autres ne profièchan per augmentar lor benefici.

Prima de 1907 : Lo pòble miègjornal se recampa un còp de mai per cridar sa misèria fàcia a la malvenda del vin, son inquietud cap a la crisi viticòla e far ausir son ira contra los fraudaires del Nòrd e los trafegants de vin. “A mòrt los fraudaires, visca lo vin natural ! Totes units per sauvar lo nòstre vinhièr noirissièr !”

Strass e pampalhetas

Torna, bolega, e manja e beu,
Roja lo sang, lo fuòc, lo vin,
Crida, canta, viravoleja,
Plaser, amor, ivressa e joia !

Revista populara que canta e ritz, “parada descabestrada“, Folies Vigneronnes fa la causida del cabaret per evocar las etapas grandas de la viticultura miègjornala, de l’Antiquitat fins a las tinadas de uèi. Entre vergonha e fiertat, l’istòria dels òmes e del vin, desvelada per las pampalhetas.

Distribucion

  • Ecritura : Bruno Cécillon d’après un texte d’Anne Clément
  • Direccion dels actors : Gérard Santi
  • Comedians : Bruno Cécillon, Marie-Pierre Loncan, Christine Chantelouve, Sergio Perera
  • Scenografia, aficha : Daniel Fayet
  • Creacion musicala : Sergio Perera, Marie-Pierre Loncan
  • Creacion lum, regia platèu : Sergio Perera
  • Assistenta platèu : Magali Noulin
  • Costums : Céline Arrufat
  • Diaporama 1907 : Frédéric Petit d’après les photos d’Henri Sallis
  • Conselh artistic magia : Claude Delsol
  • Collaboracion artistica : Véronique Valéry
  • Coordenacion generala : Bruno Cécillon
  • Fotograf : Marc Ginot

PremsaFicha tecnicaDorsier pedagogic