La Rampe TIO - Teatre Interegional Occitan
CompanhiÁ la rampe tio - teatre interegional occitan
Las masquetas dins Jan de Tròp
Los 17, 20 e 21 de març serà presentada la creacion novèla pels pichons de la companhiá, al Teatre La Vista. Pichòt punt sus las masquetas concebuts a-n-aquela escasença...
"La causida estetica dins la fabricacion de las masquetas èra de far aflorar dins una carra umana los traches de caractèr d’un animal. Cada personatge principal se tròba ligat esteticament a un animal de per son tempèrament. Aital, las masquetas fan aparéisser de creaturas, entre l’òme e l’animal, qu'afortisson l’onirisme de la pèça.
La tecnica de fabricacion : lo carton falla
Lo carton falla es un carton reciclat obtengut a partir de ressècs e d'esclapon de fusta e produsit en Espanha. Aquela tecnica apareguèt al sègle XIIIen a Valença, en Espanha, a-n-aquel moment vila de menusièrs : las quantitats grandas de casudas e esclapons de fusta servissián a elaborar d'escalpraduras gigantas, presentadas e brutladas per la Fèsta de las Fallas, fèsta qu'existís totjorn uèi. Rosario Alarcon e lo Teatre de Carton son quasiment los sols en França que practican aquela tecnica."
Jérémie Wagner (Teatre de Carton) creator de las masquetas
L'aventura, es l'Estanquet !
L'Estanquet, es pas lo títol d'un espectacle novèl. S'agís puslèu d'el títol d'un genre d'espectacle, qu'ensaja de "pegar" amb l'environament cultural actual dels paisses d'òc. Es donc lo teatre de l'Estanquet, coma se ditz endacòm mai cafè-teatre, brèvas de comptadors, dintradas de palhassas, etc...
Lo teatre de l'Estanquet es un pauc de totes aqueles genres : una mèna de presa de paraula urgenta, directa, comica, que crèa son espaci dins totes los luòcs publics o privats... per los rendre evidents a un public que cerca pas la luna, mas un moment de rire liure dins un ambient de franca convivialitat.
Lo principi
dispausar d'un repertòri de dialògues corts, monològues, scenetas de mots o de cançons...
que relevan del patrimòni o de l'actualitat,
que necessitan cadun pas qu'1 a 4 personatges.
Al menut, un florilègi comic que jòga de totes los accents
de
la comèdia per explorar las tissas e los travèrs qu'especian
las amors !
A l'aficha
Divendres 12 de març 20h
Espaci Esportiu G. Bru
Olemps (12)
Actus del sit
En aprestatge
7 pèças comicas
al rendètz-vos :
La Sopa de Morres - Dòna Barba - Lo Maldormit - St Martin - L'Anguilla - Las Palmas de Banadòr
