L'Estanquet, las tissarèlas

Sant Martin, fabliau de l'Edat-Mejan. Un paisan es obsedit per St Martin. Cada moment de la jornada es pretèxt per l'invocar, lo mercejar, lo glorificar. Tocat per tant de devocion, St Martin fa son aparicion : "quatre sovets podràs realizar"... Las Palmas de Banador, comèdia baloardièra. Dempuèi d'annadas, Dominica Banadòr, cansonièr del vilatge de St Pancrassa, pantaissa de las palmas academicas. Amb sa femna, an obtengut lo sosten de M. Gafaròt, conse, conselhièr, deputat. Rendetz-vos es pres a l'estanquet dins l'espèra de la letra qu'oficializarà aquela decoracion... Lo Somnambul, clown. L'estanquet ven pista de circ : l'escudièra e lo clown Palhassa van presentar lor numero fantastic amb lo caval Tornado. Còp de fial. Lo marit de l'escudièra es sortit, es somnambul. Va ensajar de lo trapar. Sopa de Morres, comèdia de mors. Un parèlh se carcanha per lo novel pijamà que Baptestina vòl crompar a tot pres. Miquelon, son marit, supòrta pas pus sas despensas futilas. Colèra. Un còp lo marit sortit, Baptestina sona sa maire al telefon. Aquela li aconsèlha de servir a son marit una sopa de morres per lo rendre mai docil... L'Anguiala, cançon tradicionala. Una maire e sa filha trapan una bèla anguiala dins una garba de blat. Caduna la vòl per ela, aquela afar merita procès ! Lo jutge trencarà : a la filha l'anguiala, a la maire la garba de blat !

5 fòrmas de teatre que vos van espantar...

La dròlla e lo jutge... corruptible ?

Sant Martin : foliá medievala e invocacion !

A la guèrra coma a la guèrra...

Contaire encantaire...

Banadòr, lo còr en pèna.

Las servicialas son pas pus çò qu'èran !

Tasta indigèsta de sopa de morres.

La letra tant esperada !

Clown blanc o Auguste ?

Lectura aplicada del Conse.

Un païsan folastre !

Distribucion

Adaptacion e mesa en scèna : Claude Alranq