Una creacion contemporanèa e non pas una reconstitucion istorica
per celebrar lo 800en anniversari de la crosada contra los albigeses
(1209 / 2009).

L'Istòria

Catharsis Sound Maquina conta la "Crosada Albigesa" per l'aventura
d'una còla de cinèma engatjada per realizar un film sus aquel sicut.
L'accion comença a l'ora del montatge definitiu, al moment ont la
realizatritz deu amassar quatre menas de documents :

- los sits patrimonials que pòrtan la memòria istorica de l'eveniment

- las entrevistas d'un istorian especialista

- lo registrament de "La Canson de la Crosada", una de las òbras bèlas de l'Occident medieval

- un dessenh animat que "slama" las reaccions provocadas pel viradís del film.

Per dinamizar aquela soma documentària, la realizatritz causís de la distribuir a l'entorn d'una faula, aquela de Miladieu. Es un personatge picaresc que foguèt lo testimòni involontari de l'epopèia. L'azard a volgut que Miladieu siá lo bofon de Simon de Montfort (lo capmèstre militar de la Crosada). La necessitat farà que deurà contar aquela tragedia del biais d'un joglar borlesc .
E lo mistèri decidirà que viurà lo "Montsegur catar" del costat de l'esperança.

Aquela faula de Miladieu es filmada en viu dins l'estudiò de montatge. La maquinariá, qu'encapa e tracta las donadas, o fa amb una eficacitat incresabla, e personatges de l'istòria e personatges de
la ficcion contemporanèa son preses dins lo revolum del mite intemporal del "país (dich) catar".

Distribucion

LA CÒLA ARTISTICA
Mesa en scèna : Claude ALRANQ
Compausicion musicala : André DION
Creacion video : Stéphane VALENTIN e Amic BEDEL (Piget Prod.)
Dessenhs : Vincent ROUSSILLAT
Scenografia - Decors : Marc BARROYER
Costums : Mareike ENGELHARDT e Jennie ALLAN
Masquetas : Jérémy WAGNER
Concepcion lum : Sergio PERERA
Creacion aficha : Fabrice FAVEL
Fotograf : Marc GINOT

AUTRES
Revirada de la Canson de la Crosada en occitan contemporanèu : Roland PÉCOUT
Cantinièra : Nathalie BARTHE

MERCEJAMENTS : Académie des Jeux Floraux de Toulouse, Vila de Montségur