Espectacle eventualament disponible a la demanda,
per de serias de representacions.

D'après un conte de Cantalausa

A l'inici un conte tradicional collectat per Cantalausa, escrivan occitan de Roergue : "Papet, Marquet e Pistolet".
Una istòria de diable, mas un diable non religiós, un diable mèstre.
E lo diable enganaire, cadun o sap, se fa enganar.

Tres fraires son escampats de l'ostal, per la misèria. Lo paire los manda se ganhar las trempas, se ganhar lo crostet e es pas vengut mai aisit uèi que dins los tempses dels contes.

Cadun acabarà per picar a la pòrta del Mas del Diable per se trapar una plaça, e aquí comença l'engana : lo primièr dels dos, mèstre o vailet, que serà pas content, l'autre li poirà trencar las aurelhas. Lo mèstre es diabolicament biaissut, mas Pistolet, lo benjamin, capitarà de s'avisar de l'engana e de li trencar las aurelhas.

Distribucion

Adaptacion e mesa en scèna : Jean-Louis Blénet
Comedians : Jean-Louis Blénet, Gilles Buonomo
Decòr e grafisme : Beb Phalip
Costums : Atelier d'un Chiffon