ARISTOFANADA, Femnas al Poder

Espectacle completament sustitolat en francés

Comèdia escricha per Marceau Esquieu d'aprèp los tèxtes d'Aristophane Lysistrata e l'Assemblée des Femmes.

"Far l'amor, pas la guèrra !" 400 ans abans J-C, aquí lo principi que las femnas d'Aristofanada an votat e mes en òbra. Mascaradas en òmes, s'apoderan de l'Assemblada e decretan la cauma de l'amor : pas de sèxe sens Patz ! Es aital qu'espèran d'arrestar lo conflicte inacabable entre Sparta e Atènas.

Impausan puèi l'utopia d'una societat ideala : tot aparten a totes, se compartís tot... las quitas companhas e los quites companhons ! Quales seràn los limits d'aquela politica novèla ?

Aquela creacion de La Rampe TIO posa a la font del teatre mediterranèu, aquel de Grécia, aquel d'Aristophane. Aristofanada, Femnas al Poder es un teatre de la ciutat que vòl èsser lo rebat de la societat per esclairar demercé lo rire los ciutadans-espectators. Aquela creacion tracta de subjèctes serioses e d'actualitat sempitèrna dins la societat dels òmes, amb la distància critica permesa per la galejada e la farsa.

9 comedians vos convidan per rire e soscar !
de long d'un espectacle en lenga occitana,
completament sustitolat en francés.

Distribucion

Aquel espectacle profiècha d'una ajuda a la difusion pels organisators de la Region Miègjorn-Pirenèus fins a decembre de 2012. Veire las modalitats